|
| 前日同亞平睇左狠人外傳~ 都幾好睇喎~~ 人大左,就會變得現實~!? 好殘酷呀..... 琴晚屋企樓下火災呀~ 屋企好大陣味..... 5月10日MOTHER'S DAY~~! 仲未諗好送咩俾媽咪~~~~~ | | |
| 3月23日開始係 Femme Boutique 到返工..... 一個人有壓力先會進步同成長~! 一定要加油...!! 要搵多D錢~~! 今日放假,可以係屋企休息下啦...!! *星期一例假* | | |
| 琴晚打俾Connie,佢感冒了..要快D好返呀. 又唔去睇醫生!! 傾到家人偏心既問題,其實如果唔係獨生既話,我諗個個媽咪爸爸都會有呢個問題~ 就好似讀書個時,老師都會比較偏心D乖或者係叻既學生一樣~~ 唔洗太介意吧...都係一家人... 近排睇<我的億萬麯包>,好好睇呀~ 好鐘意睇林依晨演既戲,佢唔係話靚,但係佢做戲做得好逼真... 之前睇過<惡作劇之吻1&2>已經鐘意左佢啦.... | | |
| 好辛苦呀~ 次次黎M都要受M痛之苦.... 琴日去左睇地球毀滅密碼,幾好睇喎..... 天氣開始熱,要著短袖衫同短褲啦..~ (我一向都好怕熱,可能係凍天出世掛~) APM琴晚有個女仔表演唱歌,佢都唔知係緊張定開心~ 唱歌唱到好想笑但係又要忍住唔笑.不過佢唱得都幾好聽~ *影左靚靚貼紙相,我都話我一定會同你去影嫁啦* | | |
| 不經不覺已經過左兩年啦~ 呢兩年真係覺得自己大個左好多~ 由讀書到工作再到家庭到愛情,中間真係有好多不如意既事... 以前咩都有人幫忙解決,咩都好依賴人,但係而家已經係一個成年人, 咩都要自己諗辦法解決... 我都唔知今次打返XANGA會有幾多人黎睇~ 但係仲有一個人黎睇,黎支持我,我都會打返~ 已經睇完DNA2! Chobits~!? 未來真係可能會有嫁喎... 但係Chobits咁叻又可愛,咁真人女仔咪會比唔上佢囉~!? 琴日撞見亞豆,完來佢仲讀緊書~ 亞豆個樣真係同3年前一樣~ 仲咁有童真~ 我同以前個樣就唔同左,無左以前既可愛~ 以前中學,我,KYM,POLING同YEN都俾大家叫四朵金花~ 但係而家已經成為過去.....有D野真係過左就無得再返轉頭.. 所以真係要好好珍惜眼前既野~ 有時行街撞見D中學同學~真係好開心! 見佢地有D讀書,有D返工,有D就結左婚拖住個小朋友~ 大家都有大家唔同既路,最後都會係好開心好幸福! | | |
|
