|
| 亞b今日八個月大~ 今日亞媽七點鐘叫我起身,話bb成身發熱,叫我幫bb探熱~ 我見到bb塊面紅卜卜~ 就即刻起身幫佢探, 點知38.5度. 但係見到亞b係咁笑,又無喊........ 媽媽俾粥仔bb食,bb好開胃咁食晒.... 係咪亞b八個月大乖左,發燒都唔識喊呢~?! 媽媽幫手湊bb已經八個月啦, 但係家姐平時都無咩點俾錢媽咪~ 媽媽終於用晒o的錢啦,佢話6月5日-6月12日想去返工,搵$2400 買奶粉俾bb 爸爸聽到後好嬲,話湊唔掂就俾返亞b家姐,可憐的媽媽......家姐而家都未有工返... | | |
| 好可愛呀~! bb成日o係度講野,但係又唔知佢係度講d咩~ 呢幾日bb開始識坐啦,家姐俾左本書仔亞b睇~ 亞媽話亞b下個月就識爬啦,但係亞b肚腩很大,唔知會唔會遲d先識呢? | | |
| 我同Sara終於知道人不可以貌相~! 原來一直以為最衰既人都唔係最衰嫁.. 哈哈~ 終於知道社會科學o既分啦~~ 有89分呀~! 估唔到miss lam 會俾得咁鬆手~ 呵呵~! Sara要去覆診啦~! 希望佢安然無恙啦~! BB 5個月大啦,真係一日比一日可愛呀~! 好想見到bb學識行路,因為佢而家真係好重呀,如果佢學識左行路, 我就可以捉住佢隻手仔周圍去啦~! | | |
| 好得意呀~ bb開始識笑出聲啦...睇住bb一日一日咁長大~ 真係好開心. bb第時一定會好叻,好靚仔,好善良o既.. 琴晚又嗌交啦..... 我唔想咁樣呀~ 我想你好似以前咁好. 但係已經無可能啦...... | | |
| 而家上緊堂~ 亞sir比我地自己上網~~~ 發覺無咩人睇我xanga.... 唔知係咪太耐無寫xanga O既原因呢~!? 大家睇完我xanga記住留言呀~! 今日又要返工啦~~~ 好累呀...... 不過唔返工o既話又無錢用~~~ 亞爸比左咁多錢我交學費,我都唔好意思無佢拎咁多錢啦~ 我要努力加油~~~ 今日O係MTR見到亞豆~ 佢都好似好累咁,咁早就要返學~ 聽亞豆話今個月可能會亞石,ky,poling佢地去食O野~! 唔知係咪呢~? 仲未有人通知我呀~~! 如果係就好啦! | | |
|
